Ministrisë i Turizmit dhe Mjedisit, Blendi Klosi, gjatë ditës së sotme ishte i pranishëm në Himarë, ku inspektoi punimet për ndërtimin e stacionit të mbetjeve, në Vumblo.
Në fjalën e tij të mbajtur në Himarë, Klosi deklaron se ky investim ul kostot e transportit të mbetjeve në landfillin e Bajkajt, duke i dhënë mundësi Bashkisë së Himarës të gjenerojë të ardhura.
“U krijua ky stacion, i cili është vetëm 7 km nga bashkia e Himarës, larg zonës turistike, në një zonë publike ku është bërë një investim për dy aspekte: E para për ndarjen në burim të të gjitha mbetjeve dhe për të siguruar riciklim në masë të madhe të mbetjeve të bashkisë Himarë, po ashtu një stacion tranzitor i mbetjeve për bashkinë e Himarës, i cili do të garantojnë edhe Bashkinë edhe sipërmarrësin privat që kostot do të përgjysmohen dhe po ashtu do kemi riciklim dhe një trajtim shumë më ndryshe të mbetjeve në bashkinë Himarë.
Në qoftë se do të jemi të gjithë së bashku në këtë përpjekje, këtë sezon besoj do ta kemi shumë më të pastër Himarën, do të kemi një model shumë të mirë që do të duam ta implementojmë në disa bashki të tjera bregdetare, falë projektit të qeverisë gjermane dhe projekteve të tjera që mbështesin filozofinë e re të trajtimit të mbetjeve urbane në vendin tonë, për të garantuar sezon turistik të pastër dhe cilësor.
Investimi gjithashtu pritet të ulë sasinë e mbetjeve që do të depozitohen në landfillin e Bajkaj, duke krijuar të ardhura shtesë për bashkinë Himarë, por edhe vende të reja punë në industrinë e riciklimit”, deklaroi Klosi.
