Një situatë e çuditshme ka ndodhur në Turqi, ku ka plasur sherri mes të afërmve të dhëndrit dhe nuses, për shkak të këngës së valles. Në një ceremoni martesore të mbajtur në Bayrampaşa mbrëmjen e djeshme, mes krahut të nuses dhe dhëndrit shpërtheu një sherr për një këngë. Në kamerën e celularit janë pasqyruar ato momente kur të dyja palët po ziheshin me njëri-tjetrin.
İstanbul’da istek parça yüzünden tartışan kız tarafı ve erkek tarafı birbirine girdi. Salonda başlayan düğün, karakolda bitti.
— Aykırı (@aykiricomtr) September 29, 2022
Dita më e lumtur e nuses dhe dhëndrit është prishur zyrtarisht për shkak të muzikës. Në ngjarjen e ndodhur në një sallë dasmash në Bayrampaşa Kocatepe Mahallesi mbrëmjen e djeshme, nusja dhe dhëndri nisën të kërcejnë halay në një organizim dasme të mbajtur në sallë.
Gjatë kërcimit, nusja dhe dhëndri donin që muzika e luajtur të ndryshohej. Në sallë u diskutua për ndryshimin e muzikës. Me rritjen e diskutimit, palët u përplasën me njëra-tjetrën. Në kamerën e celularit janë pasqyruar momentet e përplasjes së palëve pas diskutimit.
Të ftuarit që kanë parë se ka pasur një përleshje, kanë njoftuar policinë për situatën. Mësohet se palët e lidhura me ngjarjen kanë shkuar në komisariat, dhe janë ankuar për njëri-tjetrin.
Burimi i lajmit: turkiyegazetesi. Përshtatur nga Tirana Today
