Atletico Madrid duket se janë shumë të acaruar me mënyrën se si Barcelona po operon për të marrë në radhët e tyre yllin francez, Antoine Griezmann. Pasi drejtori katalanës kohët e fundit besohet të ketë pasur kontakte direkte me lojtarin. Madrilenët duket se kanë nisur një ankesë në FIFA për këtë metodë që ka përdorur Barca e cila është kundër rregullave të transferimit dhe pritet të merren masa për katalanasit.
“Nëse Bartomeu është takuar me familjen e Griezmann siç thonë gazetat, atëherë do të thotë se kanë filluar bisedimet. Por nuk e di me siguri. Kemi një marrëdhënie të mirë dhe mund të bëjmë një bisedë normale. Thashethemet janë të pashmangshme në botën e futbollit,” shprehet Guillermo Amor. Në mediat evropiane thuhet se Griezmann do të luajë te Barcelona sezonin e ardhshëm, por nëse Fifa ndërhyn transferimi mund të komplikohet. Atletico Madrid ka paraqitur një kërkesë si raportim për Barcelonën për transferimin e Antoine Griezmann.
Në rast se FIFA sheh ndonjë pa rregullsi atëherë Barcelona do të dënohet deri në dy vite pwr tw mos transferuar asnjë lojtar. Disa ditë më parë është raportuar se francezi ka arritur marrëveshje me Barcelonën, por deri më tani asgjë konkrete. Ju rikujtojmë se Griezmann ka qenë i hapur edhe me një transferim tek Manchester United, por kjo nuk ndodhi. Të gjitha mediat në Spanjë shkruajnë se pa rregullsi ka, por dënimi më i vogël për mos transferime është dy vite.
