Hidrocentrali i Fierzës ka nisur shkarkimet dhe situata në ultësirën e Shkodrës paraqitet alarmante.
Deri tani prurjet në Fierzë janë 1300 m3/s si pasojë e reshjeve të shumta gjatë ditëve të fundit dhe shkrirjes së dëborës. Ndërsa shkarkimi po bëhet me 400 m3/s dhe pritet të vijojë edhe gjatë ditës së nesërme.
Për situatën e krijuar ka reaguar deputeti i PD-së, Bardh Spahia i cili dha alarmin lidhur me situatën e rënduar. Përmes një statusi në një status në Facebook, Spahia sqaron se është hera e tretë brenda dy muajve që këto zona përmbyten. Ndërkohë niveli i ujit vazhdon të rritet.
Postimi i plotë i Bardh Spahia
“Situatë alarmante në ultesirën e Shkodrës!
Rritet siperfaqja e tokës së përmbytur në Anën e Malit. Rruga që lidh fshatin Obot bllokohet. Hera e tretë brenda dy muajve që këto zona përmbyten.
Fusha e Muriqanit sot pasdite. Niveli i ujit vazhdon të rritet.
Mendohet që kjo situatë ka ardhur si pasojë e hapjes së portave të hidrocentralit edhe pse ka mungesë të plotë informacioni”.
