Policia e Fierit ka finalizuar operacionin antidrogë të koduar “Marinza”, duke sekuestruar rreth 78 kg kanabis dhe vënë në pranga një 30-vjeçar. Droga ishte gati për tu trafikuar në Itali.
Fabian Tomorri, banues në fshatin Velmish, u ndalua në dalje të qytetit të Roskovecit me furgonin tip “Fiat”, me targa AF 670 RB.
Nga kontrolli i ushtruar në mjet në pjesën e pasme u gjetën 73 pako të mbështjella me natriban me peshë rreth 78 kg.
Nga veprimet e para hetimore rezulton se lënda e dyshuar narkotike ishte e presuar në pako dhe e mbështjellë posaçërisht me qëllim për t’u trafikuar më pas në Itali.
