Një aksident automobilistik u regjistrua pasditen e sotme në fshatin ShënPjetër të Fierit.
Një 22-vjeçar mbeti i plagosur pasi humbi drejtimin e automjetit tip ‘’Fiat’’ dhe doli nga rruga.
Për pasojë, u plagos edhe pasagjerja, një 21-vjeçare.
Dy të plagosurit po trajtohen në spitalin rajonal të Fierit.
‘’Sot rreth orës 16:15, në fshatin Shënpjetër, Fier, shtetasi A. A., 22 vjeç, banues në Fier, duke drejtuar mjetin tip “Fiat”, ka humbur kontrollin ndaj mjetit dhe ka dalë nga rruga. Për pasojë kanë ngelur të dëmtuar drejtuesi i mjetit dhe pasagjerja në mjet, shtetasja E. R., 21 vjeçe, banuese në Fier, të cilët ndodhen në Spitalin Rajonal Fier, nën kujdesin e mjekëve’’, informon policia.
Grupi hetimor ndodhet në vendngjarje dhe po punon për zbardhjen e plotë të saj.
