Burri më i moshuar në Angli feston sot 111-vjetorin e lindjes. Ish-mësuesi dhe inxhinieri Bob Weighton, i cili jeton në Hampshire, tha se “nuk do t’ia dijë” sa i takon ditëlindjes.
Madje, ai kërkoi që Mbretëresha të mos i dërgojë më kartolinë për ditëlindje, duke shpjeguar: Nuk e kuptoj përse shteti duhet të paguajë për Mbretëreshën që të dërgojë këto gjëra”.
Weighton, i cili lindi në Hull më 29 Mars 1908, reagoi me humor sa i takon jetëgjatësisë së tij:
“Duke iu shmangur vdekjes, nuk ka një tjetër arsye. Kam pasur grip, si dhe jam operuar 2 a 3 herë. Duhet të kisha vdekur, por unë jam një i mbijetuar”, duke shtuar më tej se ka qenë gjithnjë aktiv në jetë dhe se ka bërë një punë që i pëlqente.
Weighton, i cili kishte 2 djem dhe një vajzë, 10 nipër e mbesa si dhe 25 stërnipër, tha se bota kishte ndryshuar në mënyrë të jashtëzakonshme, por që njerëzit kanë qëndruar të njëjtë.
Ai tha: “Vizualisht dhe fizikisht ka ndryshuar shumë. Në atë që njerëzit janë, jo dhe aq. Shqetësimet kryesore të qenieve njerëzore gjatë takimit apo interaktivitetit, janë të njëjta: a mund të besohet ky njeri?”
Duke e përshkruar veten si një “person ndërkombëtar”, 111-vjeçari tha se ai vazhdoi të përditësohej me lajmet botërore duke lexuar “The Economisti”, i cili shmang thashethemet./ Tirana Today
