Lojtarët e Interit kanë festuar si të çmendur në dhomat e zhveshjes, pas fitores 5-0 ndaj Chievos. Me këtë fitore zikaltërit kanë marrë vendin e parë, duke qenë i vetmi ekip i pamposhtur për 15 javë ne kampionat. Në një video të postuar në Instagram nga kapiteni Mauro Icardi tregohet se skuadra zikaltër ka festuar pa frena.
Por kjo festë nuk ka pasur në fokus vetëm fitoren ndaj Chievos, por edhe për të festuar ditëlindjen e menaxherit të skuadrës, Fabio Pinna i cili është rrethuar dhe lagur me shampanjë. Por ajo që bie më shumë në sy është se uruguaiani Matias Vecino është kapur i papërgatitur dhe shfaqet nudo në video, ku sapo ka dalë nga dushet i është drejtuar dollapit të tij në momentin që pjesa tjetër festonin.
