Napoli ka marrë një fitore të madhe të mërkurën në mbrëmje në “San Paolo” ndaj Liverpool në Champions League. Por duket se gjatë mbrëmjes nuk e kanë pasur të gjithë mendjen për të festuar. Napoli njihet për natyrën e egër që ka në rrugë dhe këtë e kanë provuar shumë futbollistë, disa prej të cilëve edhe janë larguar për këtë fakt.
Pasi ka përfunduar takimi, sulmuesi Milik është nisur drejt banesës së tij me makinën personale, ndërkohë që në rrugë ka hasur me një problem të madh. Dy persona të maskuar, i kanë zënë rrugën me motor dhe i kanë vënë pistoletën te koka, duke i kërkuar gjithçka që kishte. Grabitësit, kanë arritur të marrin nga sulmuesi polak një orë “Rolex Daytona”, vlera e së cilës arrin deri në 20 mijë euro.
Ky nuk është rasti i parë që në Napoli ndodhin ngjarje të tilla me futbollistët, duke qenë se më parë janë grabitur edhe shumë futbollistë të tjerë. Emra si Cavani, Laveci, Hamshik, Insigne apo edhe Valon Behrami kanë qenë futbollistët të cilët kanë rënë pre e grabitjeve nga mafiat e Napolit.
