Masat e ndërmarra për shkak të koronavirusit, duke detyruar banorët të qëndrojnë të izoluar, duket se ka dhënë rezultatet e para të pastrimit të ajrit. Dikur e gjithë bota vuante nga pasojat e ajrit të ndotur, e ndërsa sot ndryshimi është drastik. Por jo vetëm kaq, pasi duket se koronavirusi nuk ka patur vetëm pasojat negative.
Sizmologët kanë regjistruar më pak zhurmë sizmike ambientale, pra vibracionet e shkaktuara nga makinat, trenët, autobusët dhe njerëzit. Në mungesë të kësaj zhurme, korja e tokës po lëviz më pak.
Thomas Lecocoq, gjeolog dhe sizmiolog në Royal Observatory në Belgjikë, e vuri re këtë fenomen së pari në Bruksel.
Brukseli ka pësuar 30% deri në 50% ulje të zhurmës sizmike ambientale, që prej mesit të marsit, kur qeveria nisi zbatimin e masave kundër pandemisë.
Kjo do të thotë se sizmologët janë të aftë të dallojnë tërmete më të vogla. Gjithashtu, do të thotë se njerëzit po u binden urdhrave të qeverive përkatëse, dhe po qëndrojnë në shtëpi.
Mbi 1 milionë njerëz janë tashmë të infektuar me COVID-19 në të gjithë botën, ndërsa numri i viktimave ka shkuar në 53.238.
213.133 persona kanë fituar betejën me COVID-19. Tashmë epiqendra e virusit është Europa, ku tri shtetet më të prekura janë Franca, Italia dhe Spanja.
