Felipe Melo vazhdon të tregojë se është një futbollist i “pisët” dhe nuk ka mëshirë për kundërshtarët. Shpeshherë ai ka qenë në qendër të vëmendjes për ndërhyrjet brutale që bën në fushë, por tani e ka tepruar duke dëmtuar një talent premtues.
Ish-mesfushori i Juventusit dhe Interit tashmë është pjesë e Palmeirasit dhe në përballjen me Santos ka bërë një ndërhyrje tejet të ashpër në dëm të Rodrigo. Ai është vetëm 18 vjeç dhe shumë shpejt pritet që ti bashkohet Real Madridit, pasi këta të fundit kanë paguar plot 40 milionë euro. Ndeshja përfundoi 1-1, por pas ndërhyrjes së ashpër, Rodrigo la fushën e lojës dhe do të mungojë në ndeshjen e ardhshme në kampionat.
