Atletico Madrid ka arritur të marrë një fitore minimale përballë Alaves në “Wanda Metropolitano” me rezultatin 1-0. Një fitore mjaft e vyer për “los Cochoneros”, të cilët marrin vendin e dytë pas disfatës që pësoi Valencia. Goli i vetëm i sfidës u shënua nga Fernando Torres, në minutën e 74’, vetëm pesë minuta pasi ishte hedhur në fushë. Alaves që pak ditë më parë shkarkoi trajnerin De Biasi, shfaqi një rezistencë të madhe në fushë përballë Atletikos por nuk arriti të rezistonte deri në fund.
Roma merr një fitore dramatike në “Olimpico” përballë Cagliarit, ku shënon Fazio në minutën e 94’. Një fitore mjaft e vyer për romanët pasi shkojnë në kuotën e 38 pikëve, po aq sa ka Juventusi dhe me një ndeshje më pak se Napoli e Interi. Ndeshja është dominuar totalisht nga djemtë e Di Francescos, por rruga e rrjetës dukej e pamundur. Perroti në fillimin e pjesës së dytë gabon dhe nga pika e bardhë e penalltisë, e fituar nga Dzeko. Ndërsa miqtë kanë qenë inekzistentë gjatë gjithë takimit pasi nuk kanë arritur të bëjnë një gjuajtje në portë.
