Një kontroll blitz nga policia dhe Forcat Speciale është zhvilluar orët e fundit në banesat e tre gjyqtarëve, të cilët akuzohen se dhanë vendim në favor të Dritan Dajtit. Më konkretisht, në Tiranë, Sarandë, Vlorë dhe Shkodër, Policia e Shtetit organzoi një aksion në banesat e 3 gjyqtarëve që zbutën dënimin me burg të përjetshëm për Dajtin.
Masa u dha nga Gjykata e Krimeve të Rënda, pasi tre gjyqtarët Petrit Aliaj, Skënder Damini dhe Aleks Nikolli dyshohen për korrupsion.
Kontrollet
Kontrollet kanë nisur në orën 7:00 të ditës së premte. Në banesën e gjyqtarit të Apelit Vlorë, Skënder Damini, në Farkë të Tiranës, janë gjetur 20. 000 euro që janë sekuestruar nga policia, ndërkohë që vazhdojnë kontrollet.
Sapo të përfundojnë këto kontrolle, ku mendohet se edhe në banesat e gjyqtarëve të tjerë ka shuma parash të pajustifikuara, pritet të zhvillohen veprime të tjera hetimore ndaj gjyqtarëve të dyshuar.
