Real Madrid – Valencia dhe Deportivo – Barcelona janë këto dy sfidat kryesore, dy sfida të cilat do të tërheqin vëmendjen e gjithë botës së futbollit. Anglia gjigandët i aktivizon nesër, Italia gjithashtu, sepse të gjithë interesohen se çdo të ndodhë me fatin e titullit kampion në Spanjë.
Valencia ka treguar për shumë vite se di mjaft mirë t’ia dhurojë titullin kampion Barcelonës, duke qenë se, në dy vitet e fundit, ata kanë ditur t’i ndalin madrilenët. Sezonin 2013-14, Reali i Madridi arriti ta mundë në një përballje fantastike në fushën e Valencias 2-3, por në javën e 35-të ndalet nga një barazim në Bernabeo. Kampione u shpall Atletiko Madrid, por ndjekës pati Barcelonën dhe i treti Reali, pasi u shkëput pikërisht nga barazimi me Valencian.
Një sezon më vonë, 2014-’15, madrilenët arritën të merrnin vetëm 1 pikë në dy përballje, ku përsëri humbën ndjekjen me Barcelonën pas barazimit 2-2 përsëri në Bernabeo.
Sezoni 2015-’16, Reali i Madridit mori 4 pikë kundër Valencias, dhe edhe ato me vuajtje maksimale dhe me shumë fat, fat i cili iu dhuroi fitoren në ndeshjen e dytë. Përsëri kampion u shpall Barcelona.
Sezoni 2016-’17 është momentalisht me një fitore të Valencias, 2-1, dhe përballja e dytë sot në 14:15. Kjo do të thotë se Barcelona shpreson ose sonte, ose kurrë, për një kryesim në kampionat.
