UEFA zyrtarizoi vendimin për të refuzuar marrëveshjen vullnetare me Milanin, pasi ata e kishin analizuar me imtësi dhe nuk kishin gjetur garanci për rifinancim. Menjëherë pas këtij vendimi ka ardhur edhe reagimi i Drejtorit sportiv të kuqezinjve, Marko Fassone. Ku ky i fundit deklaroi se e priste këtë vendim sepse klubi nuk mund ti plotësonte disa nga kriteret e vendosura nga UEFA|, por kjo nuk do të ndryshojë asgjë në planin e investimit që ka Milani.
“Ishte një vendim që e prisnim, pasi na kërkuan të plotësojmë 2 kushte që ishin të pamundura. Që gjatë bisedimeve, e kuptuam qartë që nuk do të miratohej kjo marrëveshje”, tha Fassone.
Drejtuesi i Milanit kërkoi të qetësojë ambientin kuqezi, duke u shprehur se ky vendim nuk ndryshon shumë situatën te Milani, ndërsa theksoi se merkatoja e janarit nuk do të sjellë as përforcime dhe as largime nga skuadra.
“Ky vendim ishte i nga drejtuesit e rinj të klubit dhe nuk është se ka ndryshuar shumë në planet tona. Në merkaton e janarit nuk do të bëjmë përforcime, kjo pasi kështu e kishim parashikuar që në verë, kur vendosëm të plotësojmë njëherë e mirë organikën. Kemi besim të plotë te futbollistët që kemi në ekip dhe nuk do të lejojmë asnjë që të largohet”, tha Fassone.
