Më shumë se 7,000 shqiptarë kishin aplikuar për azil në vitin 2017 në Francë. Por vetëm 10% e tyre marrin një përgjigje të favorshme. Për të tjerët, duhet të mendojmë për kthimin. Në Lyon, është ngritur një qendër e cila pritet që t’i dëbojë, shkruan Tirana Today.
Për t’u kthyer në Shqipëri, familjeve të cilave u është refuzuara aplikimi për azil u jepet 300 euro për person dhe mund të vendosen në një qendër përgatitore ku do të behën gati për nisje.
Një çift shqiptar ka folur për portalin francez “franceinter.fr, dhe kanë prej një viti që qëndrojnë atje. Ata janë prindër të tre fëmijë, ku njëra prej vajzave të tyre është më aftësi të kufizuara.
Ata thanë se ishin kërcënuar në vendin e tyre, dhe se refuzimi i kërkesës për azil i ka bërë ata që të ndihen të humbur.
Ky refuzim do të thotë se ata nuk do të marrin asistencë financiare dhe së shpejti u duhet të shkojnë në vendin e tyre.
Atë mëngjes, ata u thirrën nga Aziza Bouhadjar, këshilltare e kthimit dhe ri-integrimit në Zyrën Franceze të Emigracionit dhe Integrimit (Ofii).
Sipas Ofiit, familja duhej të largohej nga Lyon më 8 janar. Por me vajzën e tyre të sëmurë, çifti shpjegon se ata nuk mund të kujdesen për të në Shqipëri. Ata refuzojnë të largohen.
Si shumë shqiptarë, kjo familje erdhi në Francë për një jetë më të mirë dhe për të pasur qasje gjithashtu në cilësinë e sistemit shëndetësor francez.
Në këtë pikë në intervistë, agjenti i OFII i ofron atij një ndihmë kthimi. Paratë për të pranuar të largohen: 300 euro për person. Ndërsa çifti pretendon se ka shpenzuar 5.000 euro gjatë mërgimit të tij. Nëse familja e pranon këtë ndihmë, ata do të vendosen në këtë qendër për përgatitjen e kthimit.
Në një qendër përgatitore ku shqiptarët pritet të dëbohen, pasi një sherr. Dhomat janë të vogla, por të pastra: një krevat, një banjo të vogël, një kuzhinë të përbashkët. Familjet zakonisht kalojnë 20 deri 30 ditë atje.
Ndër banorët e përkohshëm, është dhe një nënë që jeton në qendër për disa ditë. Ajo është duke pritur letrat për fëmijën e saj, të lindur në Francë. “Nuk më besonin kur u shpjegova se unë isha kërcënuar në vendin tim nga familja ime dhe babai im”. Kur flet për largimin e saj të ardhshëm, ajo nuk flet për lehtësim, por për dhunë.
“Unë në rrugë të Francës jetoj, dhe në Shqipëri nuk kthehem vullnetarisht, jam e detyruar do qëndroj këtu”.
Paratë nuk do të jepen deri në momentin e fundit, në sallën e nisjes të aeroportit të Lyonit, pak para se të merrnin aeroplanin.
OFII rezervon fluturime komerciale dhe nganjëherë edhe avionë të veçantë për në Tiranë. Më shumë se 600 njerëz kanë kaluar nëpër këtë qendër për një vit. Ajo mund të strehojë rreth 80 vetë në të njëjtën kohë dhe aktualisht ka radhë. Familjet nuk do të jenë në gjendje të përfitojnë para përsëri, nëse kthehen në Francë. TIRANA TODAY
