Familja Deda nga Shqipëria ndihet shumë mirë në Grefrath. Prindërit Antigone dhe Albert, si dhe djemtë e tyre Björn, Brendon, dhe Bërjan, shpresojnë që të marrin leje për qëndrim të përhershme në Gjermani, shkruan Tirana Today.
Familja Deda, tashmë është sistemuar në një shtëpi të re në Grefrath. Vetëm një gjë mungon, dhe kjo është leja për qëndrim të përhershme. Koha e pritjes me ankth vazhdon për familjen shqiptare.
Kështu djali i tyre 10 vjeçar di të flasë mirë anglisht, dhe kështu ai e kishte shumë të leftë që të mësonte dhe gjuhën gjermane. Brendon është mjaft i kënaqur. Familja e Albert Deda, ka shkuar në Gjermani që në vitin 2015, ku është vendosur në Grefrath, raporton rp-online.de
Albert dhe gruaja e tij Antigona, me të mbërritur në Gjermani, menjëherë ka filluar të mësonin gjuhën gjermane. Albert Deda flet anglisht dhe italisht , dhe për të ishte e lehtë që të mësonte gjermanisht. Brendon shkoi në shkollën fillore dhe Brajan në kopshtin e fëmijëve. Alberti gjeti punë në një restorant, ndërsa gruan e tij pas lindjes së Björn, merret me punët e shtëpisë.
Pra familja është integruar mjaft mirë, dhe për të marrë leje qëndrimi të përhershme një grup personash nga Grefrathern, është angazhuar për të bërë peticion dhe për të ndihmuar familjen. Peticioni është firmosur nga 3.600 njerëz, përveç kësaj, mbështetësit janë në kontakt të ngushtë me Komisionin e Përgjegjësisë.
Por, pavarësisht se familjes nuk i është dhënë statusi i azilantëve, ata janë strehuar në një apartament falë ndihmës së madhe nga qytetarët e Grefrather. ” Pa ndihmën e tyre ne do të ishim në rrugë, u jemi pafundësisht mirënjohës”, thonë Antigona dhe Albert Deda.
Nëse Antigona Deda punon pak më mirë me gjuhën gjermane, ajo mund të punojë edhe në profesionin e saj si rrobaqepëse, për të cilin ajo ka studiuar. Ajo është mjaft e zonja në zanatin e saj, vetëm gjuha e pengon. Ajo do të punojë, por nuk i jepet mundësi që të ndjekë kurse për gjuhën gjermane, pasi nuk është pranuar kërkesa e tyre për qëndrim. TIRANA TODAY
