Dy gra janë lënë në burg pasi kanë tentuar që të fusnin në Britani 7 burra shqiptarë. Ata janë motrat Alison Alman 43 vjeç, nga Morley Avenue, Londër, dhe Fabiola Alman, 47 vjeç, nga Bastion Road, Gjibraltar.
Të dyja u burgosën nga Gjykata e Kurorës Portsmouth, për kontrabandën e shtatë burrve shqiptarë në Britani të Madhe nëpërmjet portit Portsmouth.
Dy motra janë burgosur për kontrabandën e shtatë shqiptarëve në Britani të Madhe, të cilët ishin futur në një kamion, të cilin e kishte mbuluar era e rëndë e urinës. Oficerët e Forcave të Kufirit ndaluan Alison dhe Fabiola Alman pasi arritën në një traget të Brittany që lundronin nga Bilbao në Portsmouth më 4 tetor.
Gjykatësi i Gjykatës së Portsmouthit dëgjoi se pesë prej burrave kishin qëndruar në pjesën e pasme të kamionit, si dhe dy të tjerë mbi një taksi brenda në kamion. Zyrtarët i zbuluan burrat gjatë skanimit të automjeteve. Tani gjyqtari ka burgosur Alison Alman për katër vjet e gjashtë muaj dhe motrën e saj Fabiola për katër vjet.
Sipas David Melville QC, tha se operacioni ishte planifikuar nga dy motrat, dhe se Alison Alman kishte nevojë urgjente për para. Gjykata dëgjoi se si Alison Alman, 43 vjeç, nga Morley Avenue në Londër, i kishte marrë një borxh prej 4.000 eurosh me një tregtar “serioz” droge, pasi ajo i kishte premtuar atij që do t’i fuste familjen në punë.
Por, duke qenë se ajo nuk e mbajti premtimin, ajo i duhej që ti kthente paratë tregtarit të drogës, i cili ende nuk është identifikuar.
Në këto kushte ajo i kërkoi ndihmë motrës së saj Fabiola, 47 vjeç, Bastion Road, Gjibraltar, që të nisnin punën për futjen e personave në Britani, pasi sipas saj ishte një biznes mjaft fitimprurës.
Të dyja gratë fillimisht mohuan se ishin të përfshira, duke thënë se ishin turiste dhe se nuk e dinin se si burrat ishin futur në fugonin e tyre. Ata e kishin marrë me qira automjetin ku ishin futur burrat. Të dy gratë pranuan se ndihmonin emigrantë të paligjshëm. TIRANA TODAY
