Varfëria është ulur këmbëkryq në familjen Ajdini në qytetin e Memaliajt. Familja më 4 prestarë vuan për ushqimin bazë për të mbijetuar. Qeveria ka vendosur që kjo familje të përjashtohet nga skema e re e ndihmës dhe përkrahjes sociale, por më heqjen e asistencës katër anëtarët e kësaj familjeje po vuan për bukën e gojës.
Në televizionin Report TV u prezantua rasti dhe thirrja për ndihmë e kësaj familjeje. Fëmijët e kësaj familjeje veçse të sëmurë, kishin edhe 48 orë pa ngrënë ushqim.
Fondacioni “Fundjavë Ndryshë” i ka ardhur menjëherë në ndihmë kësaj familjeje duke e ndihmuar me ushqime.
Vullnetarë të “Fundjavë Ndryshe” kanë sensibilizuar biznese të ndryshme në kryeqytet, për të ndihmuar me ushqime familjen Ajdini e cila vuan mungesën e bazës elementare ushqimore apo siç quhet ndryshe ushqimet e shportës.
Ushqimet që kanë sjellë vullnetarët e “Fundjavë Ndryshe” janë të mjaftueshme për ecurinë dy mujore të familjes në fjalë.
Prindërit e dy fëmijëve kanë falenderuar “Fundjavë Ndryshe” për ndihmën e dhënë dhe të gjithë ata që kanë kontribuar.
Përfaqësuesit e “Fundjavë Ndryshe” deklaruan se do të jenë sërish pranë kësaj familjeje për ta ndihmuar me ushqime.
Heqja nga ndihma ekonomike e ka bërë të pamundur sigurimin e ushqimit. Kriter i qeverisë është që do të ndihmohen të gjithë ata që nuk kanë televizor dhe frigorifer. Këta që kanë vetëm televizor dhe frigorifer si mund të mbijetojnë kur nuk kanë asnjë të ardhur?
