Kërkesa e familjes së 35 vjeçarit, për të marrë trupin e Kostandin Kacifas nuk është marrë para sysh nga autoritetet shqiptare.
Ky ka qenë pretendimi më i fundit i familjes së të ndjerit Kostandin Kacifas. Familja tha se ka hequr dore nga kërkesa për bërjen e një ekspertize të dytë të trupit.
Trupi i të ndjerit ndodhet në Tiranë. Prokuroria e Krimeve të Rënda ka nisur hetimet për ngjarjen.
Avokati i familjes sot ka shkuar tek kreu i Prokurorisë së Athinës për ta informuar atë për veprimet ligjore që ai ka ndërmarrë dhe për atë që ai do të bëjë.
Pas takimit me prokurorin, Efth. Navridis tha se familja që ai përfaqëson bën thirrje për një sqarim të plotë të incidentit. Ndërsa ai kërkon informacion të qartë dhe të plotë.
” Kemi kontakte me Shqipërinë, edhe me Prokurorinë e Tiranës dhe në veçanti me Prokurorinë e Krimeve të Rënda, me të cilët po bashkëpunojmë. Meqenëse personi është shtetas grek, natyrisht autoritetet greke gjithashtu kanë juridiksion. Dhe Prokuroria e Gjykatës së Shkallës së Parë të Athinës është e përfshirë”, tha ai.
Dosja për rastin e vdekjes së Konstandin Kacifa u dërgua nga Prokuroria pranë Kryeprokurorit të Athinës. Sipas njoftimeve, kjo përfshin deklaratat e nënës dhe babai i tij 35 vjeçarit, dëshminë e një oficeri të policisë dhe një fotokopje të kartës së identitetit të tij, sipas të cilës vërtetohet kombësia greke./TIRANA TODAY/
