Djali i ish-Presidentit Bujar Nishani, teksa i ka dhënë lamtumirën të atit, nuk ka mundur dot të mbajë lotët. Ai tha se prania e dashamirësve e të dashurve të tyre, u’a ka lehtësuar sado pak dhimbjen. Djali i të ndjerit tha se familja Nishani humbi busullën e saj drejtuese, e ndërsa kombi i jep lamtumirën një shërbëtori të përulur.
“Ju falenderoj të gjithëve për praninë tuaj, na keni lehtësuar dhimbjen sado pak këto ditë. Babai im për tre gjëra nuk bënte kurrë kompromis; për familjen, Zotin dhe Atdheun.
Familja jonë sot i jep lamtumirën busullës së saj drejtuese. Kombi i jep lamtumirën një shërbëtori të përulur. Zotit i shtohet një engjëll në parajsë.
Lamtumirë baba, të qoftë dheu i lehtë”, u shpreh Ersi me zërin që i dridhej, ndërsa në krah të tij qëndronte motra, nëna dhe gjyshi i tij.
