Detaje të reja janë hedhur në dritë në lidhje me video-përgjimin e publikuar nga Ervin Salianji. Gazetari investigativ Artan Hoxha, i ftuar në studion e emisionit “Opinion”, ka zbuluar se video-përgjimi është realizuar në lokalin që ndodhet te selia e PD. Deklaratën e tij e mbështeti duke thënë se në video-përgjim duket një fotografi që ndodhet në atë lokal.
“Është bërë në lokalin pranë selisë së Partisë Demokratike. Hape videon, do të shikosh një fotografi në mur. E di unë, kam qenë atje”, tha ai, ndërsa pyeti deputetin Salianji nëse është e vërtetë kjo apo jo.
Salianji i bëri bisht përgjigjes, ndërsa tha se një fotografi e tillë ndodhet edhe në zyrën e Erion Veliajt dhe atë të Ardi Eliut, sepse është një pamje e Tiranës së vjetër.
