Shumë është aluduar për coronavirusin. Por një ekspert amerikan i ka dhënë fund të gjitha teorive konspirative. Francis Boyle, profesor në universitetin e Illinois, ka zbuluar se coronavirusi është një armë lufte biologjike dhe është krijuar në një laborator në Wuhan. Ajo çfarë e bën edhe më të rëndë, lidhet me faktin se Organizata Botërore e Shëndetësisë është në dijeni të këtij fakti.
“Coronavirusi është një armë lufte biologjike dhe është krijuar në një laborator në Wuhan. Organizata Botërore e Shëndetësisë është në dijeni të këtij fakti”, tha Francis Boyle, profesor në universitetin e Illinois.
Në vitin 1989, Boyole ka redaktuar aktin kushtetues për Armët Biologjike, që është ligji kundër terrorizmit të armëve biologjike në Shtetet e Bashkuara të Amerikës. Ai thotë se coronavirusi është një armë shumë e fuqishme vdekjeprurëse, dhe që është ndërtuar në një laborator të sigurisë së lartë në Wuhan.
Sipas ekspertit, qeveria e Kinës është përpjekur fillimisht ta mbulonte rastin, ndërsa tani po adopton masa drastike për të frenuar epideminë. Qëndrimi i profesorit amerikan është në kundërshti të plotë me versionin zyrtar, se virusi vdekjeprurës është shpërndarë në një treg lokal të Wuhan. Por ky version zyrtar është kundërshtuar edhe nga ekspertë të tjerë të fushës, që bëjnë me dije se vetëm 66% e rasteve fillestare me të infektuar kishin vizituar tregun lokal.
Të dielën, autoritetet kineze bënë me dijeni se në karantinë është futur edhe qyteti me nëntë milionë banorë, Wenzhou, i pari jashtë Krahinës Hubei në të cilën ka filluar epidemia. Në çdo të dytën ditë nga shtëpia guxon të dalë vetëm një anëtar i familjes, për t’u furnizuar me gjërat e nevojshme.
Të paktën 427 persona kanë humbur jetën dhe më shumë se 20 mijë raste janë konfirmuar në botë, pjesa më e madhe e tyre në Kinë.
Ndërkohë, janë 25 vendet e botës që kanë raportuar raste deri më tani dhe asnjë infektim nuk është konfirmuar në Afrikë apo Amerikën Latine.
