Fadromat e IMT kanë nisur shembjen e banesave të tjera te “5 Maji” në Tiranë, më herët se orari i parashikuar.
Aksioni ishte paralajmëruar se do të niste në orën 10:00, por fadromat e IKMT kanë nisur punën që prej orës 07:10.
Banorët kanë kundërshtuar prishjen e banesave, duke e konsideruar atë të paligjshme. Shembja e objekteve vjen si pasojë e projektit të rindërtimit, ku në total preken 430 ndërtesa.
Prej 19 janarit, banorët janë ngritur në protesta, pasi sipas tyre, ka paqartësi për masën dhe periudhën e dëmshpërblimit.
Për banorët, shembja e banesave është kundër ligjit dhe se nuk kanë bërë asnjë marrëveshje me Bashkinë e Tiranës sa i përket bonusit të qirave dhe se nuk dinë se ku të shkojnë.
