Dy pretendentët për të firuar Botërorin e F1 janë paraqitur njaftë mirë në provat e lira të zhvilluara sot në Japoni. Vettel me Ferrari dhe Hamilton me Mercedes kanë kapur kohë mjaft të mira por ‘kokë kuqja’ është e para deri tani. Shiu i rrëmbyeshëm ka bërë që provat të ndërpriten, por duket se të dy pilotët janë të kënaqur nga forma që kanë treguar makinat si në terren të thatë dhe të lagët.
Edhe pse ishte një ditë përgjysmë, në të cilën pati mundësi të garonte vetëm në një sesion, për shkak të shiut, Vettel ka besim se do të jetë një fundjavë e mirë për të dhe Ferrarin në Japoni.
“Mëngjesi ishte shumë i mirë për ne – tha gjermani – Kishim një ndjesi shumë të mirë dhe makina ishte shumë e përshtatshme me pistën. Do më të kishte pëlqyer që të bëja edhe disa xhiro në pistë të lagur, por është e rëndësishme që edhe të kursejmë gomat…”.
Vettel, i cili vendosi kohën më të mirë në pistë të thatë është i bindur se në rast se duhët të garojnë në kualifikuese në kushte shiu, duhet që makina të bëjë një ndryshim në kualitet nga ajo që është parë në garat e fundit: “Nuk e di nëse jemi makina më e shpejtë në garim, por e vërteta është që nuk kemi patur mundësinë ta tregojmë në dy garat e fundit.
Nëse do të bjerë shi, duhet të përmirësohemi, pasi në Monza asgjë nuk shkoi sipas parashikimeve. Shpresoj që të kemi mësuar leksionet e duhura dhe cilado qoftë gjendja e pistës të jemi në gjendje të tregojë vlerat tona”, u shpreh Vettel.
Realizoi vetëm 4 xhiro në sesionin e dytë, nën një shi të rrëmbyeshëm dhe vendosi një kohë që ishte një sinjal ndaj kundërshtarëve. Edhe pse Mercedes ka filluar të ndjejë presionin e Ferrarit, Hamilton nuk e shfaq një gjë të tillë.
“Në mëngjes u paraqitëm mirë dhe makina më krijoi një ndjesi të mirë, ndryshe nga një javë më parë në Malajzi. Bëra edhe disa xhiro në pistë të lagur dhe jam I kënaqur”, u shpreh britaniku.
Hamilton u shpreh se qëllimi I tij është që të gjejë besimin në kushte shiu: “Nuk ishte çështja për të kuptuar këtë pistë në kushte shiu, pasi herën e fundit që kam garuar në shi këtu kam fituar, por në Malajzi ishte pak mbrapa në të tilla kushte. Na duhej të kuptonim nëse do të përsëritej i njëjti problem”.
Më pas Hamilton ju përgjigj me një batutë një opinioni që presidenti i Mercedes, Lauda, se Ferrari në këtë moment të sesionit është makina për t’u mundur: “Është çështje opinioni, unë mendoj se nuk po bëjmë një punë të keqe”.
