Transferimin e Cristiano Ronaldos tek Juventusi e ka pritur mjaft mirë ish-shoku i tij tek Manchester United, Patrice Evra. Francezi ka luajtur edhe për “Zonjën e Vjetër” për dy vite e gjysmë i ka bërë një dedikim special yllit portugez për këtë lëvizje.
Ai ka kënduar nën ritmin e këngës “Con Te Partiro” që përkthehet “Me ty shkoj apo Koha për të thënë lamtumirë”, duket se më shumë ka thumbuar madrilenët për largimin e yllit të tyre, se sa ka uruar italianët.
“Juventinë, ju keni lojtarin më të mirë në botë”,–këndon Evra mbi muzikën, përpara se t’i ofrojë Ronaldos disa këshilla për sfidat me të cilat do të përballet, si lojtar i ri i klubit, në një ndeshje tradicionale para sezonit. “Unë e di, Ronnie, ju keni fituar pesë “Topa të Artë”, por te Juve duhet të punoni fort”,–e paralajmëroi ai.
