Ish-futbollisti i Manchester United goditi me shqelm në kokë një tifoz të skuadrës së tij në takimin e Europa League mes Guimaraes dhe Marseille. E gjithë ngjarja ndodhi para fillimit të takim dhe Evra u bë i pari futbollist që dënohet me përjashtim nga ky kompeticion ende pa nisur loja.
Plot 8 muaj pezullim, deri në qershor të 2018, ishte vendimi i Disiplinës, gjë e cila e lë jashtë francezin pothuajse për të gjithë sezonin futbollistik. Shto këtu, edhe 10.000 euro gjobë. Më herët, ai ishte pezulluar pa afat nga klubi. Ndërsa po sot, ka qenë vetë klubi i Marsejës, që ka deklaruar se ka përjashtuar nga ekipi Evran, dhe ai nuk do të jetë më pjesë e ekipit francez.
