Mijëra njerëz janë evakuuar fundjavën e kaluar nga autoritetet lokale në Torino të Italisë.
Shkak për këtë u bë gjetja e një bombe të pashpërthyer, e cila kishte mbetur që nga Lufta e Dytë Botërore. Rreth 10,000 persona të cilët ishin në ‘zonën e kuqe’ të vendndodhjes së bombës u detyruan të largohen nga shtëpitë e tyre.
Ndërsa nga 50 mijë persona të tjerë u kërkua që ose të largohen, ose të qëndrojnë brenda vendbanimeve gjatë operacionit për zhvendosjen e bombës.
Bomba u shkurdis nga ekspertët dhe u dërgua në një gurthyes. Mësohet se bomba e gjetur ishte prodhuar në Britani të Madhe dhe i përkiste periudhës së Luftës së Dytë Botërore. Ajo u gjet në një kantier ndërtimi në pjesën qendrore të Torinos.
