Eurodeputetja Eleni Theocharous ka kërkuar në Parlamentin Evropian zbatimin e fjalimit një minutësh, pas refuzimit të PE-së për diskutimin e çështjes Kacifa me 200 vota kundër. Gjatë fjalës së saj, ajo kërkoi krijimin e një komisioni ad hoc nga Parlamenti Evropian për Vorio Epirin, pasi sipas saj regjimi shqiptar po kryen një spastrim etnik të heshtur.
“Qeveria shqiptare më shpalli person non grata. Kjo sepse unë mbroj të drejtat e minoritetit grek në Epirin e Veriut, që po abuzohen nga regjimi shqiptar dhe po jetojnë në një klimë të terrorizmit dhe spastrimit etnik të heshtur.
Përbërja demografike e popullsisë në zonat krejtësisht greke po ndryshon në mënyrë dramatike, e drejta e pronës për grekët po pengohen nga shteti me kërcënime dhe akte arbitrare dhe të paligjshme, ndërsa të drejtat arsimore dhe përdorimi i gjuhës greke janë të persekutuara vazhdimisht.
Kohë më parë shqiptarët vranë Aristotel Goumën, sepse ai foli greqisht, pak ditë më parë Konstandin Kacifën sepse ngriti një flamur grek.
Më vjen keq që Parlamenti Evropian nuk donte të diskutonte shkeljen e të drejtave të njeriut të pakicës. Unë besoj se ai duhet menjëherë të dërgojë një komision ad hoc për të kërkuar të vërtetën për atë që po ndodh në Komunitetin Grek, pa praninë e viktimave të regjimit që terrorizojnë qytetarët”, ka përfunduar fjalën e saj eurodeputetja./ TIRANA TODAY
