Sapo është mbyllur ndeshja e parë e ditës së 8-të në kampionatin Europian të futbollit. Suedia ka mundur Sllovakinë me rezultatin 1-0 falë një penalltie të kthyer në gol në minutën e 76-të nga Emil Forsberg.
Suedezët e shohin veten shumë pranë kalimit të grupit pasi 4 pikë jo vetëm që mund t’i sigurojnë nordikëve vendin e dytë në këtë grup por edhe në rast se do të renditeshin të tretët në përfundim të të gjitha ndeshjeve të grupit, 4 pikë me shumë mundësi do ta rendisnin në një nga të tretat më të mira.
Sllovakia ka 3 pikë në grup por has Spanjën në ndeshjen e fundit dhe me siguri do të varen në fije të perit deri në sekondën e fundit dhe shpresat e tyre për kualifikim.
