Sonte: Itali-Zvicër, 21:00 (Olimpiko, Romë)
“Azzurrët” e merituan fitoren në ndeshjen hapëse kundër Turqisë, një autogol që theu bllokimin përpara se Ciro Immobile dhe Lorenzo Insigne të mbyllnin llogarinë me një rezultat të mirë 3-0. Për Italinë ishte fitorja e nëntë radhazi pastër dhe Italia do të përpiqet të kapë kuotën dhjetë për herë të dytë në historinë e saj, kundër një ekipi zviceran që vjen me moral të ulët pasi pa t’i iknin nga duart dy pikë prej një barazimi 1-1 kundër Uellsit në ndeshjen e parë pavarësisht avantazhit të arritur nga Breel Embolo. Zvicra ka fituar vetëm dy nga 14 ndeshjet finale në Europianë, megjithëse janë mposhtur vetëm një herë në 15 ndeshjet e fundit të garës, duke përfshirë kualifikueset.
Formacionet e mundshme
Italia: Donnarumma; Di Lorenzo, Bonucci, Acerbi, Spinazzola; Barella, Jorginho, Locatelli; Berardi, Immobile, Insigne
Zvicra: Sommer; Elvedi, Schär, Akanji; Mbabu, Zakaria, Xhaka, Rodríguez; Shaqiri; Embolo, Seferović
(Për analizën teknike të Kombëtares Italiane kliko këtu)
Italia ka shënuar 28 gola dhe nuk ka pësuar asnjë në nëntë ndeshjet e fundit, dhe padyshim që ka ende entuziazëm të madh në popullin blu. Ndeshja me Zvicrën vjen pak si shpejt për Marco Verrattin (dëmtim në gju) dhe Alessandro Florenzin (dëmtim në pulpë). Mancini mund të vendosë të ndërrojë disa lojtarë, me Francesco Acerbi dhe Federico Chiesa-n të gatshëm për të luajtur, por forca i Italisë është grupi, siç tha Leonardo Bonucci, dhe mundësia e vulosjes së kualifikimit që një ndeshje para se të mbyllet grupi mund të jetë një fakt që mund të sjellë në rrotacion.
Roberto Mancini:
“Gjithmonë ka pak tension [para një ndeshje të madhe] dhe është e kuptueshme. Kjo është një ndeshje e rëndësishme dhe ne kemi shumë respekt për ekipin kundër të cilit po luajmë. Sidomos në sulm, ata kanë lojtarë të cilët mund të ndryshojë lojën në çast. Mund të ndryshojmë disa lojtarë, por kjo nuk e ndryshon ekipin tonë. Kemi 26 lojtarë këtu dhe që të gjithë mund të luajnë në këtë nivel. Unë qëndroj i sigurt se Italia është një nga skuadrat më të mira në turne “/Tirana Today
