Dy fitore në Romë rezultuan në kualifikimin e Italisë si dhe zgjatjen e serisë së tyre të fitoreve rradhazi në dhjetë, ndërsa sonte mund të arrijë 30 ndeshje radhazi si e pamposhtur. Fitorja hipotetike sonte ndaj Uellsianëve do të garantonte vendin e parë. Uellsi udhëton në Itali pasi la marrë katër pikë nga dy ndeshjet e tyre në Baku dhe një barazim tjetër do të siguronte kalimin e grupit pavarësisht nga rezultati tjetër. Nga ana tjetër një fitore ndaj Italisë do ta nxirrte ekipin uellsiian të parin në Grupin A.
Pasi ndryshoi vetëm një lojtar – Alessandro Florenzi i dëmtuaru zëvendësua nga Giovanni Di Lorenzo nga ndeshja e parë tek e dyta, Roberto Mancini pritet të ndryshojë formacionin e tij në masë për të sjellë rotacion kundër Uellsit. Andrea Belotti dhe Federico Chiesa garojnë për një vend në sulm, ndërsa edhe pse dëmtimi i Giorgio Chiellinit nuk është serioz, mbrojtësi tashmë është përqendruar në fazën e 1/8-ave. Mediat italiane flasin gjithashtu për aktivizimin e Verratit me siguri maksimale sonte.
Domenico Berardi, sulmuesi i Italisë: “Ne kemi shumë mundësi në sulm. Duhet të përpiqemi të japim 100% në çdo ndeshje. Vjen një provë tjetër e rëndësishme [kundër Uellsit] që ne do të synojmë ta fitojmë gjithashtu. “
Formacionet e mundshme:
Italia: Donnarumma; Tolói, Acerbi, Bastoni, Emerson Palmieri; Locatelli, Jorginho, Verratti; Chiesa, Belotti, Bernardeschi
Uellsi: Ward; Roberts, Mepham, Rodon, Davies; Ampadu, Allen; Bale, Ramsey, James; Moore
