Sot luhen dy ndeshjet e fundit të xhiros së parë në Euro 2020, ato të grupit F. Ndeshja e parë do të jetë ajo e orës 18:00 midis Hungarisë dhe Portugalisë në Puskás Aréna (Budapest).
Për Hungarinë statusi i “më të dobtës së grupit ” në Euro 2020 duket si një vendim unanim i të gjithë opinionit sportiv pasi gjenden në grupin e ferrit me Francën, Gjermaninë dhe Portugalinë që jo vetëm janë tre ekipe që kuotohen për finalen por janë dhe tre kombëtare që mes tyre kanë fituar 2 botërorët dhe europianin e fundit.
Kështu, Hungaria do të jetë pa presion mbi shpatulla dhe i vetmi element që i ndihmon është zhvillimi i dy ndeshjeve të grupit në shtëpi, në Budapest.
Për hungarezët ky është turneu i dytë ndërkombëtar që nga viti 1986, dhe kanë arritur në këto finale në formë të mirë me një 11-ndeshje pa humbje.
Shresat e tyre kryesore janë tek dyshja me bazë në Bundesligë; Peter Gulacsi, portieri i Leipzigut dhe shokun i tij i skuadrës Ëilli Orban, në qendër të mbrojtjes.
Për Portugalinë, pritet një fillim më pozitiv pasi sot fillon mbrojtja e kurorës së tyre. Portugezët do të kërkojnë gjithashtu të përmirësojnë nisjen e pesë viteve më parë duke fituar një nga ndeshjet e fazës së grupeve, në vend që të bëjnë llogari në fund me tre barazime, si në vitin kur fituan trofeun në fund.
Humbja e madhe para turneut për Hungarinë ishte Dominik Szoboszlai, ndërsa mbrojtësi Szilveszter Hangya gjithashtu humbi turneun prej një dëmtimi. Shpresat ka të ngjarë të bien mbi shpatullat e sulmuesit dhe kapitenit Adam Szalai, së bashku me sulmuesin tjetër që luan në Bundesligë Roland Sallai.
Portugalia duhet të zgjedhë midis Diogo Jotas, Joao Felixit dhe Goncalo Guedesit për rolin e sulmuesit të majtë, edhe pse si një mundësi emergjente ata mund të zgjedhin Andre Silvan në qendër dhe Cristiano Ronaldo të kthehet në rolin e tij të vjetër si anësor. Joao Cancelo u hoq nga ekipi pasi doli pozitiv me Covid.
Formacionet e mundshme:
Hungaria: Gulacsi, Fiola, Orban, At. Szalai; Lovrencsics, Nego, Nagy, Kleinheisler, Holender, Sallai, Ad. Szalai.
Portugalia: Rui Patrício; Semedo, Ruben Dias, Pepe, Guerreiro; Danilo, William, Bruno Fernandes; Bernardo Silva, Ronaldo, Diogo Jota.
/Totila Kotorri-TIRANA TODAY
