Faza e grupeve përfundon sonte me skuadra si Spanja, Gjermania dhe Portugalia që ende nuk e kanë siguruar ende një vend në fazën e 1/8-ave.
18:00: Sllovaki – Spanjë (Grupi E, Sevilje)
Sllovakia mund të jetë jo favorite, por sipas historisë ky është një pozicion në të cilin ata shpesh lulëzojnë. Mendoni pak fitoren 3-2 kundër Italisë në Kupën e Botës FIFA 2010 ose ndalimin 0-0 që i bënë Anglisë në UEFA EURO 2016. Ose edhe humbjen 2-1 të Spanjës në tetor 2014. Po të bëjnë diçka të ngjashme kundër “La Roja” në Sevilje do të grumbullojnë pikët e mjaftueshme për të kaluar.
Për Spanjën një barazim nuk ka shans të jetë në tavolinë duke marrë parasysh ambiciet e tyre të para turneut dhe nuk do të ishte gjithsesi një rezultat i mjaftueshëm nëse Polonia mund Suedinë. Spanja do të shpresojë që me një fitore, të ndizet dhe butoni i restart-it për ta dhe të kthehen të frikshëm në fazën me eleminim direkt.
Hera e fundit që Spanja humbi fazën me eleminim direkt në një europian ishte në 2004-ën. Sllovakia kaloi në raundin e 1/8-ave në EURO 2016, turneu i tyre i parë si komb i pavarur.
Formacionet e mundshme:
Sllovakia: Dúbravka; Pekarík, Šatka, Škriniar, Hubočan; Kucka, Hrošovský; Haraslín, Hamšík, Mak; Duda
Spanja: Unai Simón; Azpilicueta, Laporte, Pau Torres, Gayà; Llorente, Busquets, Thiago; Gerard Moreno, Morata, Traoré
18:00: Suedi – Poloni (Grupi E, Shën Petersburg)
Historia është kundër Polonisë për këtë takim. Suedia ka fituar secilën nga pesë ndeshjet e fundit midis dy skuadrave, katër të fundit me të paktën dy gola, por shpresa mbetet, veçanërisht pasi Polonia fitoi një pikë kundër Spanjës.
Nëse Polonia mund të bazohet tek Robert Lewandowski, udhëheqësit e Grupit E kanë Alexander Isak. Rezultatet e së hënës konfirmuan vendin e verdhebluve në raundin e 1/8-ave, por ata mund të përfundojnë si në vend të parë ashtu dhe në të tretin, kështu që mbetet shumë për të luajtur.
Suedia është e pamposhtur në shtatë ndeshjet e fundit kundër Polonisë (6 fitore, 1 barazim), duke shënuar 18 gola dhe duke pësuar vetëm tre.
Formacionet e mundshme:
Suedia: Olsen; Lustig, Lindelöf, Danielson, Augustinsson; S Larsson, Ekdal, Olsson, Forsberg; Isak, Quaison
Polonia: Szczęsny; Bereszyński, Bednarek, Glik; Jóźwiak, Moder, Krychowiak, Zieliński, Puchacz; Lewandowski, Świderski
Tirana Today
