18:00: Angli – Gjermani (Londër)
Nëse mbrojtjet ta fitojnë kampionatin, siç thuhet rëndom prej atyre që e njohin futbollin, atëherë Anglia duhet të jetë entuziaste, pasi ka mbajtur tre herë portën e paprekur në ndeshjet e Grupit D. Golat e shënuar ishin gjithsesi shumë pak, megjithatë, me Raheem Sterling në majë ata siguruan dy gola, të mjaftueshëm për kalimin më tej.
Rezultatet e Gjermanisë ishin qartazi më të përziera. Një humbje e hershme ndaj Francës u pasua nga një fitore me merita 4-2 ndaj Portugalisë (mund të ishte dhe më e thellë), para se “Die Mannschaft” të kujtohej vonë për të barazuar me Leon Goretzka-n ndaj Hungarisë në ndeshjen e tretë, çka i siguroi pjesëmarrjen në këtë fazë.
Gjermania është e pamposhtur në shtatë ndeshjet e fundit kundër Anglisë në Uembli (5 fitore 2 barazime); ata nuk kanë humbur që nga miqësorja 2-0 në mars 1975. Humbja e tyre e fundit zyrtare në Uembli erdhi në finalet e Kupës së Botës 1966.
Formacionet e mundshme:
- Anglia: Pickford; Walker, Stones, Maguire; Trippier, Rice, Phillips, Shaw; Foden, Kane, Sterling
- Gjermania: Neuer; Ginter, Hummels, Rüdiger; Kimmich, Goretzka, Kroos, Gosens; Havertz, Müller, Gnabry
