21:00: Francë – Zvicër (Bukuresht)
Fituesit e Kupës së Botës 2018 e hapën turneun me një fitore ndaj Gjermanisë, por barazuan në dy ndeshjet e tjera, duke shënuar vetëm katër herë në total. Sidoqoftë, me Kylian Mbappé, Antoine Griezmann dhe Karim Benzema që udhëheqin, ka një ndjesi të përgjithshme që shumë më shumë gola do të vijnë në vazhdim.
Jo se Zvicra do të jetë e lehtë. Pas barazimit me Uellsin dhe humbjes ndaj Italisë, helvetët treguan atë që janë në gjendje të bëjnë me një fitore mbresëlënëse 3-1 kundër Turqisë duke kaluar Grupin A. Xherdan Shaqiri ishte në formë me dy gola në atë ndeshje dhe do të jetë thelbësor për shanset për arritur në tetë të fundit e turneut.
Zviceranët ende nuk kanë kaluar fazën e 1/8-ave në EURO; ata humbën nga Polonia me penallti në këtë fazë të EURO 2016-ës. “Është një natë e veçantë për ne, për të gjithë Zvicrën,” tha kapiteni Granit Xhaka, i cili shpreson që përvoja të japë rezultat. “Por mund të bëjmë histori vetëm nëse japim 120%”.
Franca kurrë nuk ka humbur një ndeshje zyrtare kundër Zvicrës, duke fituar dy dhe duke barazuar katër, me ndeshjen e tyre të fundit pa gola në fazën e grupeve EURO 2016, kur në grup kishin dhe Shqipërinë.
Formacionet e mundshme:
Franca: Lloris; Varane, Lenglet, Kimpembe; Pavard, Pogba, Kanté, Hernández; Griezmann; Mbappé, Benzema
Zvicra: Sommer; Elvedi, Akanji, Rodríguez; Widmer, Freuler, Xhaka, Zuber; Shaqiri; Embolo, Seferović
