“Arrest me burg”, ishte masa e sigurisë dhënë dje nga Gjykata e Krimeve të Rënda për Klement Balilin, i cilësuar si “Eskobari i Ballkanit”. Avokati i tij, jashtë gjykatës u shpreh se nuk ka asnjë provë që Balili është përfshirë në “trafik droge”. Gjatë seancës, vetë Klement Balili shihej i buzëqeshur.
Rasti i Balilit po kështu u diskutua në emisionin “Real Story”. Duke folur për ndikimin e Balilit në zonën e Delvinës dhe Sarandës, gazetari Sokol Balla, duke iu referuar informacioneve, tha se ai thirrej në zonën ku jetonte me nofkën “pasha”.
Kjo deklaratë e Ballës u konfirmua edhe nga gazetari Skënder Minxhozi, i cili shtoi më tej se Balili “ishte një pasha lokal, jo një ‘Ali Pasha’”.
