Futbollisti i kombëtares shqiptare, Rei Manaj po kalon një formë fantastike në prag të sezonit të ri futbollistik. I grumbulluar me skuadrën e parë të Barcelonës në dy miqësoret e fundit, 24-vjeçari ka shkëlqyer duke shënuar 4 gola.
Kjo paraqitje e tij, duket se ka ndryshuar edhe mendimin e trajnerit holandez Ronald Koeman, i cili u ka kërkuar drejtuesve që të mos e shesin shqiptarin, pasi është një element cilësor, shkruan media spanjolle Fichajes.
Kuman e konsideron Manajn si një zëvendësues të Serxho Agueros, dhe me 34-vjeçarin i cili ka pësuar shpesh dëmtime, i riu shqiptar mund të ketë shumë shanse që të aktivizohet me skuadrën e parë.
Nga Barcelona, pritet të largohen shumë futbollistë big, si Antuan Grizman, Filipe Kutinjo Martin Braithwaite, dhe kjo do t’i hapte rrugë Manajt që të aktivizohej më shumë.
