Lionel Messi është cilësuar shpesh nga tifozët e tij në fushë dhe jashtë saj si njeri më aftësi të jashtëzakonshme. Nuk janë të pakta rastet kur ai quhet “Zot” i futbollit.
Mirëpo, ky krahasim që i bëhet yllit të Barcelonës, sipas Papa Françeskut është sakrilegj t’i drejtohesh me fjalën ‘Zot’.
“Në teori është sakrilegj. Ju nuk mund ta thoni këtë. Njerëzit thonë ai është ‘Zoti’ njësoj sikur thonë ‘Të adhuroj”. Ju duhet të adhuroni vetëm Zotin, është një shprehje që njerëzit përdorin. Ai është një Zot me topin në fushë. Sigurisht është një kënaqësi të shikosh Messin duke luajtur por ai nuk është Zoti”, tha Papa.
Ndërkohë, kreu i Kishës Katolike me origjinë nga Argjentina është një tifoz i futbollit.
