Këngëtarja Adelina Ismaili, e njohur për bindjet e saj politike dhe përkrahjen publike nga Ibrahim Rugovës, thotë se ka pasur shumë oferta nga PDK, që ishte partia rivale e LDK-së menjëherë pas luftës.
Siç raporton Gazeta Express, Adelina është shprehur se PDK-ja e ka kontaktuar shumë herë, për t’i kërkuar asaj t’i bashkohet partisë që e udhëhiqte Hashim Thaçi.
“Kam pasur oferta nga PDK-ja. Më së shumti kam pasur oferta prej saj”, ka thënë Adelina.
Këngëtarja më pas ka treguar se çfarë zyrtarët e PDK-së, i thonin asaj për t’iu bashkuar partisë.
“Adelinë, ti je shumë e qartë. Je për Drenicë, çka po lypë te kta coftinat, për LDK-në”, deklaroi Adelina.
Këngëtarja tregon kur e ka takuar presidentin e tanishëm për herë të parë.
“Thaçin e kam takuar kur është shpallur pavarësia. Jo më herët, nuk e mbaj mend”, është shprehur ajo.
E pyetur se si e sheh ajo presidentin e tanishëm, Adelina shprehet se Thaçi është larg ish-presidentit Rugova.
“Është ofendim me e krahasu Ibrën me Thaçin. Nuk mundet kurrsesi me u bo ai krahasim”, ka thënë këngëtarja.
