12 persona mësohet se janë shoqëruar në komisariat, pasi do të pyeten në lidhje me atentatin ndaj biznesmenit Agron Alushaj. Mes të shoqëruarve janë dhe dëshmitarë të rastit, të ndodhur në ambientet e karburantit ku ndodhi ngjarja, apo persona që dyshohet se kanë dijeni për ngjarjen. Ende nuk ka të dyshuar si autor të ngjarjes.
Deri më tani, pistat kryesore të hetimit mbeten ato të konkurrencës në biznesin e 48-vjeçarit Alushaj, gurore, apo edhe konflikte të hershme lidhur me aktivitetin në fushën e ndërtimit. Policia e Vlorës ka bërë sekuestrimin e pamjeve filmike, në karburantin ku ndodhi ngjarja.
Po të njëjtat burime konfirmojnë se lënda shpërthyese e llojit tritol, ka qenë me telekomandë nga distancë e afërt. Kjo bazuar në momentin që ka ndodhur shpërthimi, dhe mungesa e fushëpamjes për ta kontrolluar momentin e futjes në makinë të Alushajt.
https://tiranatoday.com/vellai-i-ish-drejtoreshes-se-hipotekes-sillet-ne-tirane-ja-cfare-provash-disponon-policia/
