“Unë bashkëjetoj me fanset e tim biri” – tha me keqardhje dhe me krenari njëkohësisht Xheraldina Vula, nëna e Ledri Vulës e ftuan në emisionin “Rudina”. Keqardhje, sepse e kupton mjaft mirë ç’do të thotë të kesh idhull dikë dhe të mos e arrish dot, por edhe krenari në të njëjtën kohë, që reperi i njohur ka aq shumë njerëz që e duan.
Marrëdhënia me të birin ka qenë dhe vazhdon të jetë një marrëdhënie për t’u pasur zili. Djali i vetëm i familjes Vula, gjithçka e ndan me dy prindërit e tij, çdo ditë suksesi, çdo ditë sfide: “Jemi shumë të lidhur me njëri-tjetrin, të tre, jemi si një lloj trekëndëshi, që ndajmë gjithçka mes nesh”, – rrëfen Xheraldina për familjen.
“Është dembel, nuk di të gatuajë, nuk di të shtrojë tavolinën, as nuk di ta pastrojë …” – rrëfen e ëma. Edhe pse duket një ankesë tipike e nënave, e di mirë se i biri, me të gjitha angazhimet që ka, nuk ka kohë për t’u marrë me punët e shtëpisë. Por Xheraldina mendon se ai duhet të jetë i zoti për t’ia dalë edhe vetë, qoftë edhe me gjëra të vogla, në dukje, si këto.
“Unë dua që ai të jetë i zoti të kujdeset për vete dhe jo të gjejë gjithçka gati e të pyesë “a m’u hekuros këmisha?” – shton me të qeshur Xheraldina.
E di mirë që fanset njëlloj do ta duan, sado ankesa dhe vese të ketë për të birin. Me sinqeritet, ua qan hallin atyre: “Është ndjenjë shumë e mirë, por edhe ndjenjë pak e dhimbshme.
E di shumë mirë kur e ke një idhull që s’mund ta takosh ose që s’mund të jetë yti. Më vjen pak keq për këtë gjë, por më vjen edhe shumë mirë që ka fanse, sepse suksesi matet edhe me dashurinë që publiku ta jep. Por edhe Ledri është shumë i dashur me publikun për të cilin këndon. Ledri fal shumë dashuri.
Është shumë e rëndësishme që t’i duash ata për të cilët punon.” Mes gjithë këtyre ankesave që vetë Xheraldina zbuloi për të birin, a jeni të sigurta se do vazhdoni ta ndiqni? Ndoshta, edhe më shumë tani, apo jo?
