Kryebashkiaku Erion Veliaj deklaroi sonte se është i gatshëm që të kandidojë për një mandat të dytë në krye të Bashkisë së Tiranës. I ftuar sonte në emisionin “Real Story”, Veliaj theksoi se ka theksuar se ka deri më tani ka justifikuar plotësisht besimin që i dhanë qytetarët në 2015.
Veliaj pranoi se është Partia Socialiste ajo që merr vendimin nëse do t’i jap sërish besimin për ta propozuar në zgjedhjet që mbahen vitin tjetër.
Kryebashkiaku deklaron se ka bërë një punë shumë të mirë dhe për këtë do ta mirëpriste një kandidim të dytë nga ana e Partisë Socialiste.
Ai ka folur edhe për marrëdhëniet me kryeministrin Edi Rama, duke deklaruar se ndihej i nderuar që bashkëpunonte me të çdo ditë për transformimin e qytetit dhe se ata të dy ishin një ekip. Ndaj ai ka hedhur poshtë çdo përpjekje të opozitës për të bërë diversion mes tyre, ndërsa ka theksuar se nëse ajo pritshmëritë e veta politike i ka bazuar tek mosmarrëveshjet mes tyre atëherë ajo do mbetet gjithë kohës në opozitë.
Më poshtë pjesë nga intervista
Të hënën kisha zonjë Kryemadhi dhe e pyetëm dhe për ju nëse do e mbështeste punën tuaj dhe tha se ishte e ndarë 50 me 50. Le ta themi që me LSI keni mbajtur një marrëdhënie pak më…
Monika e shpjegoi vet në atë sinkron që ju kishit përzgjedhur që është profili i kryetarit të bashkisë, meqenëse nuk është në parlament, nuk hynë në këto debate që ndjek axhendën e qytetit që jo gjithmonë përputhet me axhendën e parlamentit, ku debati është. Për mua jo vetëm që nuk është merak por që drejtuesja kryesore e opozitës të thotë jam e ndarë 50 me 50 është ndoshta më e mira që mund të presi nga opozita. Pra se unë skam parë ndonjëherë kundërshtar politikë në opozitë që të thotë që unë jam 100 për qind me kundërshtarin tim. Kështu që në këtë sens kur puna jonë ka bërë dhe opozitën të jetë të paktën me gjysmë zemre mbështetëse të kësaj gjeje unë them se është një gjë e mirë. Për teatrin ashtu si dhe për lodrat, unë me Monikën e kam bërë këtë bisedë disa herë dhe e kam bërë dhe me Ilirin kur drejtonte LSI-në, edhe nga LSI-ja kishte atëherë disa aktivistë shumë vokalë kundër këndit të lodrave, por ja ku jemi sot. Besoj që ndihet krenar Bujar Nishani kur i përmendet protesta e këndit të lojërave, mund të mbahet mend presidenti për këtë. Dhe unë them që fakti që Monika drejtuesja kryesore e opozitës vazhdon e thotë këtë që me 50 me 50 që ca gjera i ka bërë mirë dhe ca gjera i ka bërë keq do të thotë që kemi arritur dhe në një nivel emancipimi, pra jo çdo gjë qenka e zezë dhe ca gjera hanë debat.
Pra teatrit do jetë rasti i nëntë ku unë dhe Edi Rama do dali që kemi të drejtë. Sepse besoj që kemi menaxhuar mjaftueshëm këtë qytet që të kuptojmë që çfarë ka nevojë ky qytet por edhe ku është bota sot në avantguard. Ndaj jam shumë i qetë për këtë. Qytetarët do më japin notën vitin tjetër, sigurisht nëse Partia Socialiste, kur të vlerësojë të 61 kandidatët, do më japi edhe ajo vlerësimin e saj nëse arrita ta përfaqësojë me dinjitet besimin e tyre. Edi ka një batutë të bukur që thotë: ajo lulja e PS-së tek- pull të dali 35 për qind të votave i merr vet. Pyetja është a ka kandidatë që i shton dhe 20 për qind mbi këtë 35 për qind..
Pyetja është nëse do ishte në dorë të Erion Velisë siç janë gjerat sot do kandidatonte për një mandat të dytë?
Nëse PS do ma jepte privilegjin që ta përfaqësoja me logon e saj për një mandat të dytë, patjetër që do ta bëja me kënaqësi. Por nuk jam këtu që të vetkandidohem, por që të respektoj besimin e qytetarëve deri në ditën e fundit të këtij mandati dhe pastaj të më japi notën si partia që më propozoj dhe uniformën e të cilës e vesh me shumë krenari në drejtimin e qytetit, si dhe ata qytetar jashtë partisë tonë që u bashkuan në një shumicë të paprecedentë për ta çuar Tiranën në drejtimin e duhur.
Nëse fitonit do ta shtynte projektin politikë të Erion Velisë pak më tutje apo jo, përtej 2021…
E kam thënë këtë ditën e parë kur isha në qeveri dhe e kam thënë kur lash qeverinë për bashkinë, unë dhe Edi Rama jemi një paketë. Nëse dikush ka iluzione dhe shpresa e fundit që i ka ngelur opozitës tani që janë të përçarë, tani që po merren dhe me këto skandalet ruse,në qoftë se shpresa e tyre e fundit është që do ketë ndonjë cic-mic mes meje dhe Edi Ramës ta harrojnë, se po është kjo shpresë do ngelin gjithë jetën në opozitë.
