Presidenti turk Rexhep Tajip Erdogan njoftoi zbulimin e depozitave të reja të gazit natyror në Detin e Zi, ku Turqia planifikon të fillojë prodhimin në vitin 2023.
Kompania shtetërore e energjisë Tpao gjeti 135 miliardë metra kub gaz në pusin Amasra-1, duke e çuar sasinë totale të depozitave të zbuluara gjatë vitit të kaluar në 540 miliardë metra kub, shkruan Al Jazeera.
“Anija jonë ka bërë një zbulim prej 135 miliardë metër kubikë të gazit natyral në pusin Amasra-1 në fushën e gazit Sakarya”, tha Erdogan gjatë një ngjarjeje në provincën Zonguldak.
Turqia ka rritur kërkimet për naftë dhe gaz në brigjet e saj në vitet e fundit. Erdogan ka vendosur gjetjet e fundit të energjisë si një zgjidhje për disa nga dobësitë ekonomike afatgjata të Turqisë, duke përfshirë faturën e saj të importit të energjisë që duhet të paguhet në valutë të huaj.
Vitin e kaluar, Turqia zbuloi 405 miliardë metër kubikë të gazit natyral në fushën Sakarya. Zyrtarët presin që prodhimi vendas të rrisë kërkesën e vendit për gaz me 60%, deri në 80 miliardë metra kub në vit deri në 2030.
