Presidenti turk, Recep Tayip Erdogan, fitoi të dielën mandatin e dytë 5-vjeçar si President i vendit, kësaj radhe si një lider i gjithëpushtetshëm në një Turqi që kalon nga sistemi parlamentar në presidencial.
Për zgjedhjet e parakohshme të së dielës votuan edhe mbi 1.4 milionë turq që jetojnë dhe punojnë në 60 shtete të botës, shumica dërrmuese e të cilëve në Gjermani.
Kutitë e votimit u hapën edhe në ballkan. Ajo që bie në sy është se pavarësisht se Erdogan mori më shumë se 52 % të votave të të gjithë turqve dhe mbi 60 % të votave të Turqve që jetojnë jashtë vendit, në Shqipëri ka fituar Ince.
Në Tiranë kanë votuar 28.2 % e 1350 turqve me të drejtë vote, 49.1 % e të cilëve kanë votuar për Ince dhe 38% për Erdgoan.
Në Kosovë ndërkohë Erdogan ka fituar 50.1 % të votave të turqve që jetojnë atje, krahasuar me 40.6% që shkuan për Ince.
Edhe në Maqedoni ka triumfuar Erdogan me 58.4% të votave, krahasuar me 29.1 që mori Ince.
/tvklan.al
