Presidenti i Turqisë, Rexhep Tajip Erdogan ka deklaruar se po bëhen përpjekje për rrethimin e Turqisë brenda dhe jashtë.
Erdogan tha gjatë një takimi me prefektët në rezidencën presidenciale në Ankara se po kërkohet që Turqia të jetë e nënshtruar.
“Po bëhen përpjekje për të rrethuar Turqinë nga brenda dhe nga jashtë. Kërkohet që vendi ynë të jetë i zbutur si një luan me kthetra të shkulura dhe të jetë i nënshtruar. Ata që janë mësuar me Turqinë e vjetër të mjeruar, nuk u pëlqen një vend ambicioz, vizionar dhe i fortë. Nuk u pëlqen një Turqi e fuqishme”, deklaroi presidenti Erdogan, ndërsa nuk përmendi emra konkretë.
