Presidenti i Turqisë, Recep Tayyip Erdogan, paralajmëroi se nëse do të ketë ndonjë provokim ndaj Turqisë, mund të godasin papritmas. Këtë deklaratë presidenti turk e bëri teksa mori pjesë në Forumin Rinor 2023, të organizuar në Qendrën e Kongresit “Kemal Beyatli” në Stamboll.
“Kudo që ka ndonjë provokim kundër nesh, mund të godasim një mbrëmje papritmas”, tha Erdogan, i cili theksoi edhe rëndësinë e rinisë, ku bëri të ditur se një pjesë e madhe e atyre që marrin pjesë në kongreset e tanishme përbëhen nga anëtarët e degëve rinore.
Ai shtoi se kjo gjendje do të vazhdojë edhe në zgjedhjet për deputetë dhe kryetarë komunash:
“Padyshim se kur të vijë dita, ata do të arrijnë edhe më lart. Shpresoj se të rinjtë dinamikë do të arrijnë më lart. Në pozitën e presidencës do të jetë njëri prej jush. Për aq kohë sa jetoj, përderisa ky shpirt qëndron në këtë trup do të vazhdoj të qëndrojë pranë jush. Ne si Turqi jemi një shtet që gjithmonë lavdërohemi me popullsinë e re. Mënyra për të qenë i fuqishëm dhe efektiv në çdo fushë, sidomos në ekonomi, kalon nga rruga e të rinjve të fuqishëm dhe efektiv”, tha Presidenti Erdogan.
