Erdogan “mposht” Trump, vetëm 7 shtete por SHBA-ve në OKB

Sot Organizata e Kombeve të Bashkuara miratoi një rezolutë kundër vendimit të Trump për njohjen e Jerusalemit si kryeqytet i Izraelit.  Në Asamblenë e OKB-së kanë votuar vetëm 9 vende pro vendimit të SHBA-së. Projektrezoluta ishte përgatitur me iniciativën e Turqisë, nën drejtimin e presidentit, Recep Tayyip Erdogan.Duhet theksuar se dy prej këtyre vendeve ishin vetë SHBA dhe Izraeli, pra pro tyre, realisht kanë votuar vetëm 7 vende. Ato janë Guatemala, Hondurasi, Marsall Islands, Micronesia, Nauru, Palau dhe Togo. Ndërsa gjithë shtetet e Evropës, kanë votuar në masë kundër SHBA-së, ku përfshihet edhe Shqipëria.

Në rezolutë theksohet nevoja për ruajtjen e “dimensioneve shpirtërore, fetare dhe kulturore të Jerusalemit”.
“Deklarohet se të gjitha hapat për ndryshimin e statusit të Jerusalemit të shenjtë, karakterit dhe demografisë së tij janë të pavlefshme dhe duhet shfuqizuar sipas rezolutave të Këshillit të Sigurimit dhe në këtë drejtim ftohen të gjitha shtetet anëtare të shmangen nga hapja e misioneve diplomatike në Jerusalemin e shenjtë, siç parasheh edhe rezoluta 478 (1980) e KS-OKB-së”, thuhet në tekstin e rezolutës.
Në të njëjtën kohë, rezoluta kërkon që të gjitha shtetet anëtare të respektojnë rezolutat e KS-OKB-së për Jerusalemin dhe të mos njohin hapat dhe vendimet që janë në kundërshtim me këto rezoluta.
Po ashtu, në rezolutë bëhet thirrje për përshpejtim të përpjekjeve ndërkombëtare dhe rajonale për refuzimin e trendeve negative që rrezikojnë zgjidhjen me dy shtete dhe për arritjen e një paqeje gjithëpërfshirëse dhe të përhershme në Lindjen e Mesme në kuadër të rezolutave të OKB-së dhe vendimeve të Madridit.