Presidenti turk Recep Tayyip Erdogan ka deklaruar se investimet turke në Shqipëri kanë arritur në nivele shumë serioze.
Erdogan u shpreh se janë rreth 3 miliardë euro që investitorët turq i kanë shpenzuar në vendin tonë.
Gjithashtu, ai tha se gjatë një bisede me disa biznesmenë të njohur, kanë diskutuar për perspektivën e investimeve në Shqipëri pas zgjedhjeve.
“Investimet turke në Shqipëri kanë arritur në nivele shumë serioze, rreth 3 mld euro investime. Nuk e di sa investime keni marrë nga BE, por investimet tona nuk do të ndalen. Në Shqipëri ne kemi një rreze të gjerë investimesh dhe pak ditë më parë disa biznesmenë biseduan me mua për perspektivën e investimeve në Shqipëri pas zgjedhjeve”, thekson Erdogan.
Gjatë kësaj interviste për “Top-Channel”, Erdogan ka folur për lidhjet e ngushta ekonomike që ka Turqia me Shqipërinë, por edhe për rritjen e solidaritetit midis Kryeministrit Rama dhe Presidentit të ri Ilir Meta.
