Presidenti turk Rexhep Taip Erdogan, bëri një deklaratë të fortë kur tha se “Evropa ka vdekur në Bosnjë ndërsa është varrosur në Siri”. Erdogan e bëri këtë deklaratë para të pranishmeve gjatë ceremonisë se shënimit të 14 vjetorit të vdekjes së presidentit të parë boshnjak Alia Izetbegoviç. I pranishëm në ceremoni ishte edhe anëtari i Presidencës së Bosnjës, Bakir Izetbegoviç.
Erdogan: Evropa ka vdekur në Bosnjë ndërsa është varrosur në Siri
Marrëdhëniet mes Evropës dhe Turiqisë prej kohesh kanë qenë kontradiktore, ato janë acaruar më shumë në disa muaj më parë kur ka pasur tensione të larta mes Gjermanisë dhe Turqisë para referendumit turk.
Me sa duket tashmë Turqia nuk ka aspiratë të jetë pjesë e Bashkimit Evropian por dy vitet e fundit janë parë investimet e presidentit Erdogan në Ballkanin Perëndimor. Erdogan për momentin e shikon Ballkanin si objektivin e radhës të shkëputur nga BE-ja.
